La suprastanza communala è igl uffezi d’administraziun e da pulizeia digl cumegn. Ella sa cumpona digl mastral e da seis ulteriours commembers. La suprastanza communala eligia igl vicemastral or digl sies mez.

Alla suprastanza communala sottastattan tot las cumpetenzas, tgi èn betg surpurtadas ad en oter organ antras dretg federal u cantunal, antras la constituziun u lescha communala. Ella ò da sa deditgier surtot (constituziun communala art. 41) a:

1. l’execuziun digl dretg federal, digl dretg cantunal, digl dretg communal scu digls conclus digls organs communals;
2. la preparaziun da tot las propostas per mangs dalla radunanza communala e l’organisaziun da votaziuns ed elecziuns;
3. la gestiun e la survigilaziun dall’antiera administraziun communala scu dallas instituziuns digl dretg public;
4. agl decret ed allas midadas d’ordinaziuns e reglamaints;
5. l’administraziun dalla facultad da cumegn;
6. l’erecziun digl rendachint e digl;
7. la conclusiun da contracts da tgossas tgi stattan an cumpetenza dalla;
8. la decisiun pertutgont igl dretg da manar process e recurs, scu er la conclusiun d’ancligientschas u contracts da cumpromiss;
9. l’execuziun dalla pussanza da pulizeia e dalla cumpetenza da castei ainten la procedura penala administrativa an sia cumpetenza.