La radunanza communala decida definitivamaintg da

1. l'approvaziun digl preventiv;
2. l'approvaziun digl rendachint;
3. la fixaziun digl pe da taglia;
4. igl decret e las midadas digl urden da basa dalla planisaziun locala scu er parts da chella, schinavant tgi la legislaziun dalla planisaziun cantunala prevei ena votaziun da cumegn;
5. igl conclus da credits, resp. expensas determinablas liber, tgi èn betg preveidas aint igl preventiv an en import d’anfignen 2'000'000 fr. per la madema tgossa ed an import d’anfignen 400'000 fr. per tgossas tgi sa repetan mintg’onn;
6. igl conclus da participaziuns e garanzeias, scu er la concessiun d’amprests da ple tgi 100'000 fr. ad onn;
7. igl conclus dalla compra, vendita, barat ed impegnaziun da proprietad funsila u digl nez tenor lescha da biagier, scu er dall’admissiun dad oters dretgs urgents restranschias, schinavant tgi la muntada finanziala digl conclus surpassa 200'000 fr.;
8. igls affars da compra, vendita, barat ed impegnaziun, scu er l’admissiun dad oters dretgs urgents da passa 1'000'000 fr., schinavant tgi els servan alla politica da biagier e da taragn da biagier;
9. la lubientscha da credits supplementars betg a cundiziun dalla carascheia, tgi stattan betg ancumpetenza da decisiun dalla suprastanza communala;
10. la concessiun e midadas impurtantas da concessiuns d’utilisaziun d’ava, l’admissiun dad oters dretgs d’adievers spezials scu er l’execuziun digl dretg da scadenza an senn dalla legislaziun digl dretg dad ava;
11. la participaziun a corporaziuns da dretg public;
12. igl conclus da collaboraziun cun oters cumegns e corporaziuns scu er cun instituziuns regiunalas.

La radunanza communala decida cun resalva digl referendum facultativ tenor art. 25 dalla constituziun communala da

1. expensas an import da passa 2'000'000.00 fr. per igl madem object ed an import da passa 400'000.00 fr. per expensas tgi sa repetan mintg'onn;
2. igl decret, las midadas e l’aboliziun da leschas communalas, cun excepziun digl urden fundamental dalla planisaziun locala.