Publikationen

04.05.2021 Obligaziun da far seiv

 

 

Lescha da prada, pastgiras ed alps digl cumegn Albula/Alvra

 

Obligaziun da far seiv:

Sa basond alla lescha per igl adiever da prada, pastgiras ed alps digl cumegn   Albula/Alvra, art. 24 exista, en’obligaziun generala da far seiv:

a.  tar taragn tgi cunfinescha cun las pastgiras da cumegn utilisadas;

b. per lung digls territoris da gôt sen pastgiras e territoris d’alp.

Ena deliberaziun dall’obligaziun da far seiv, ò da neir inoltrada alla cumischung d’agricultura tgi decida an tgossa.

 

 

La responsabladad per la seiv surstat tenor art. 25:

a.  taragns tgi cunfineschan cun las pastgiras da cumegn utilisadas: alla proprietaria resp. agl proprietari digl taragn;

b.  per lung digls territoris da gôt sen pastgiras e territoris d’alps: agl cumegn;

c.  ainfer igl territori d’alpagi per muteiv dalla zavrada da gôt e pastgira scu er per la protecziun da funtangas: agl cumegn.

 

Schi persungas oblieidas da far seiv fon an terma d’en’emda nigna seiv u angal seivs manglousas, schi pò la suprastanza communala, sen proposta dalla cumischung d’agricultura, lascher far las seivs a chint dalla persunga oblieida.

 

Art. 26 alinea 2 lit. a.

Seivs per lung da veias da migliuraziun e veias da gôt ston risguardar ena distanza d’aglmanc 50 cm davent digl our dalla veia. La cumischung d’agricultura pò lubeir excepziuns da chella prescripziun da distanza. Schi la distanza minimala vign betg risguardada, pò la suprastanza communala, sen proposta dalla cumischung d’agricultura, lascher allontanar chellas seivs a chint digl proprietari digl fons u digl economisader.

           

Angraztg fitg per l’ancunaschientscha.

                                                                                               La suprastanza communala

 

Cumegn Albula/Alvra
Veia Baselgia 6
7450 Tiefencastel

Tel. +41 81 681 12 44
Mail: info@albula-alvra.ch

sarvetsch tecnic

pichet nomra clom d‘ageid
+41 79 308 12 71 (nigns SMS e WhatsApp)

Ouras da spurtegl

  • Glindesde e mesemda

    08.00 - 11.30 / 13.30 - 17.00

  • Venderde

    13.30 - 17.00


Vous ans cattez cò

Impressum   |   Schurmetg da datas   |   Login powered by Axians Ruf AG © 2019 | Cumegn Albula/Alvra