Publikationen

09.07.2020 Exposiziun publica - Midada dal project per sanar l'implant d'accumulaziun Solas (ewz, vischnanca d'Alvra)

Exposiziun publica dals 10 da fanadur fin ils 10 d'avust 2020 tenor ils art. 53 ss. da la Lescha davart il

dretg da las auas dal chantun Grischun (LDAG; DG 810.100).

 

Cun il conclus da la Regenza dals 12 da favrer 2018 (protocol nr. 88) ha la Regenza approvà il project da l'Ovra electrica da la citad da Turitg (ewz) per sanar l'implant d'accumulaziun Solas. Per la primavaira 2019 eri planisà da svidar il lai per exequir differentas lavurs da sanaziun vi dal mir d'accumulaziun da Solas. Durant la planisaziun detagliada èsi vegnì constatà che l'evacuaziun d'aua planisada n'è betg realisabla e ch'i n'è perquai betg garantì da lavurar senza privel en il sectur dal mir d'accumulaziun. Differents scleriments han mussà ch'i dovra lavurs preliminaras per preparar las lavurs da sanaziun. Latiers tutgan la stabilisaziun dals stabiliments per evacuar l'aua e la spazzada da la rampa a blocs davant la gallaria d'evacuaziun, la derschentada dal corpus da terrenisaziun en il lai da Solas sco er la spazzada da la serra Nisellas.

 

Ils documents da dumonda èn exponids tar l'Uffizi d'energia e da traffic, Rohanstrasse 5, 7001 Cuira, sco er en la vischnanca d'Alvra per prender invista. Durant il temp d'exposiziun èn las actas accessiblas durant las uras da biro. Ellas èn er accessiblas en furma electronica sin la pagina d'internet da l'Uffizi d'energia e da traffic dal Grischun sut la rubrica "Aktuelles".

 

Tgi ch'è pertutgà dal project d'exposiziun e po far valair in interess degn da vegnir protegì ch'il project vegnia realisà, impedì u midà (art. 57 en cumbinaziun cun l'art. 54 LDAG), ha il dretg da far protesta cunter il project, e quai en scrit e cun ina curta motivaziun. Il dretg da far protesta ha plinavant tgi ch'è autorisà tras il dretg federal da far quai.

 

Las protestas ston vegnir inoltradas entaifer il termin d'exposiziun al Departament d'infrastructura, energia e mobilitad dal Grischun, Stadtgartenweg 11, 7001 Cuira.

 

Cumegn Albula/Alvra
Veia Baselgia 6
7450 Tiefencastel

Tel. +41 81 681 12 44
Mail: info@albula-alvra.ch

sarvetsch tecnic

pichet nomra clom d‘ageid
+41 79 308 12 71 (nigns SMS e WhatsApp)

Ouras da spurtegl

  • Glindesde e mesemda

    08.00 - 11.30 / 13.30 - 17.00

  • Venderde

    13.30 - 17.00


Vous ans cattez cò

Impressum   |   Schurmetg da datas   |   Login powered by Axians Ruf AG © 2019 | Cumegn Albula/Alvra