Publikationen

26.06.2020 Famiglias digl de/persungas per la tgira d'unfanfts digl de

Cumegn Albula/Alvra e Barvogn/Filisour

 

Nous tschartgagn ainten la Regiun Alvra famiglias digl de mutivadas / persungas per la tgira d’unfants digl de

 

Sen fundamaint dalla nossa retschertga digl schaner per sclareir igls basigns da persungas per la tgira d’unfants an Val Alvra, vainsa tschartgea gio igl favrer persungas da tgira e famiglias digl de. Ans ò fatg grond plascheir, tgi varsaquants interessos èn s’annunztgias. Displaschevlamaintg è’l nia alloura igl coronavirus ed igl lockdown.

Per cletg tgi chellas restricziuns vignan schluccadas adegna daple, uscheia tgi nous faschagn en sagond appel ed intimagn tot igls interessos da s’annunztgier directamaintg tar igl post spezialiso KJBE (Kinder und Jugendliche betreuen, begleiten, bestärken / Tgirar, accumpagner e rinforzar unfants e giuvenils).

 

Er schi vous vez basigns da tgira d’unfants, az drizze per plascheir directamaintg a donna Ladina Schneider, tel. 079 900 07 52, KJBE post d’administraziun.

 

Gugent rasponda donna Ladina Schneider per tel. 079 900 07 52 u per mail ladina.schneider@kjbe.ch KJBE post d’administraziun las vossas dumondas pertutgont la tgira d’unfants. Per cass tgi vous na cuntanschez betg donna Schneider, pudez er az volver agl secretariat tel. 081 300 11 40 | info@kjbe.ch | www.kjbe.ch.

 

Nous speragn sen numerous resungs ed angraztgagn cordialmaintg da nossa vart.

 

Igls cumegns Albula/Alvra e Barvogn Filisour

Cumegn Albula/Alvra
Veia Baselgia 6
7450 Tiefencastel

Tel. +41 81 681 12 44
Mail: info@albula-alvra.ch

sarvetsch tecnic

pichet nomra clom d‘ageid
+41 79 308 12 71 (nigns SMS e WhatsApp)

Ouras da spurtegl

  • Glindesde e mesemda

    08.00 - 11.30 / 13.30 - 17.00

  • Venderde

    13.30 - 17.00


Vous ans cattez cò

Impressum   |   Schurmetg da datas   |   Login powered by Axians Ruf AG © 2019 | Cumegn Albula/Alvra