Publikationen

23.04.2020 Vischnanca Albula/Alvra - examinaziun da las zonas da privel - zona da planisaziun

 

Plan agiuntà 1:5'000 zona da planisaziun - Perimeter.pdf

 

Sa basond sin l'art. 21 da la Lescha davart la planisaziun dal territori per il chantun Grischun (LPTGR) ha la suprastanza communala dad Albula/Alvra relaschà a sia sesida dals 7 d'avrigl 2020 ina zona da planisaziun.

 

Intent da la zona da planisaziun:

  • Examinaziun cumpletta da las zonas da privel en il plan da zonas entaifer il perimeter da sbuvaditsch e da crudada da Brienz/Brinzauls

 

Territoris pertutgads da la zona da planisaziun:

  • Brienz/Brinzauls (exceptà zonas da construcziun da la vischnanca) sco era parts da Vazerol, da Casti e da Surava

 

La cunfinaziun precisa dals territoris pertutgads da la zona da planisaziun è determinada en il plan agiuntà 1:5'000 ed ins po prender invista dad ella sin la chanzlia communala da Casti sco era sin la homepage da la vischnanca dad Albula/Alvra (www.albula-alvra.ch >Aktuelles).

 

La zona da planisaziun vegn relaschada per 1 onn ed entra immediat en vigur. La zona da planisaziun relaschada da la suprastanza communala ils 18 d'avrigl 2017 e prolungada cun la publicaziun dals 26 da mars 2019 per las zonas da construcziun da la vischnanca da Brienz/Brinzauls resta en vigur senza midadas.

 

En la zona da planisaziun dastgan vegnir lubids unicamain projects da construcziun che na cuntrafan betg a las mesiras previsas. Suenter l'approvaziun dals meds da planisaziun revedids tras la Regenza dal chantun Grischun vegn la zona da planisaziun puspè annullada.

 

Cunter questa decisiun po vegnir recurrì entaifer 30 dis dapi la publicaziun tar la Regenza dal chantun Grischun.

 

Casti, ils 21 d'avrigl 2020
La suprastanza communala

 

Cumegn Albula/Alvra
Veia Baselgia 6
7450 Tiefencastel

Tel. +41 81 681 12 44
Mail: info@albula-alvra.ch

sarvetsch tecnic

pichet nomra clom d‘ageid
+41 79 308 12 71 (nigns SMS e WhatsApp)

Ouras da spurtegl

  • Glindesde e mesemda

    08.00 - 11.30 / 13.30 - 17.00

  • Venderde

    13.30 - 17.00


Vous ans cattez cò

Impressum   |   Schurmetg da datas   |   Login powered by Axians Ruf AG © 2019 | Cumegn Albula/Alvra