Publikationen

08.04.2021 Scumond da passar tras la prada

Lescha da prada, pastgiras ed alps digl cumegn Albula/Alvra

 

Scumond da passar tras la prada: 

Digls 15 d’avregl anfignen igls 15 da november ègl scumando da passar e carar tras taragn nizigia agricolmaintg. Igl scumond da prada vala er per animals (art. 19 dalla lescha davart igl gioldamaint da prada, pastgiras ed alps aint igl cumegn Albula/Alvra.)

 

.. Nigns excremaints da tgangs sen taragn d’adiever agricol!

Sa basond alla lescha da pulizeia digl cumegn Albula/Alvra, art. 14, dastgan tgangs betg neir lascheas libers sainza survigilaziun. Igls possessours da tgangs garanteschan, tgi carstgang ed animal vignan mess an nigna moda e maniera an prievel u mulestos antras igls tgangs. Possessours e guids da tgangs on da procurar, tgi igls excremaints da lour tgangs vignan dismess immediat e conform agl urden, sen taragn public e sen taragn privat da terzas persungas (tranter oter taragn d’adiever agricol). 

 

.. Prievel per vatgas e victualias

Tgangs pon esser infectos digl parasit „Neospora caninum“. Schi vatgas da latg maglian excremaints da tgangs da pavel infecto sen pros ed êrs, pò chegl caschunar nunfritgevladad, dispersas e naschientschas d’en animal mort. Chella mort da vadels pò neir impedeida, schi las determinaziuns vignan observadas.

 

Chel tgi violescha aposta u per negligientscha las determinaziuns dalla lescha da prada, pastgiras ed alps scu er la lescha da pulizeia digl cumegn Albula/Alvra, u disposiziuns tgi sa basan a chella, vign punia cun en castei d’anfignen 5’000.00 fr.

 

Nous angraztgagn per l’observaziun dallas determinaziuns legalas e per la vossa contribuziun pigl bagnstar digls animals e dall’agricultura.  

 

                                                                                               La suprastanza communala

 

Cumegn Albula/Alvra
Veia Baselgia 6
7450 Tiefencastel

Tel. +41 81 681 12 44
Mail: info@albula-alvra.ch

sarvetsch tecnic

pichet nomra clom d‘ageid
+41 79 308 12 71 (nigns SMS e WhatsApp)

Ouras da spurtegl

  • Glindesde e mesemda

    08.00 - 11.30 / 13.30 - 17.00

  • Venderde

    13.30 - 17.00


Vous ans cattez cò

Impressum   |   Schurmetg da datas   |   Login powered by Axians Ruf AG © 2019 | Cumegn Albula/Alvra